Publicado en cartas al Director en La Región el 13/3/2002

Con unha mezcolanza de estupor, sorpresa e tristura, leo en La Región de data 18 de febreiro unha carta cuio título (discúlpeseme o plaxio) é o mesmo co desta.

Di o señor/a Estévez Lorenzo que eu "pregoei os catro ventos que faría e acontecería para dinamizar a vida comercial da vila". Modestamente penso que o señor/a Estévez debeu decir que lle ouviu a alguén, que ouvira decir que disque eu dixen semellante cousa, e con semellante rimbombancia. De non ser esí, o señor/a Estévez minte con descaro porque eu nin fixen tal pregón, nin son tan presuntuoso como pra creer, ou faguerlle creer a ninguén, que a situación que esta vila arrastra dende fai máis de dúas décadas, podo arranxala eu de un plumazo.

A ninguén se lle escapa que a responsabilidade de que en Maceda se pechen negocios, se arruine o sector forestal ou agropecuario, brillen po-la súa ausencia polígono industrial, vivendas sociais ou Casa de Cultura, que as vías de comunicación sexan terceiromundistas e os medios como a radio non funcionen, que pechen servicios como foi Fenosa ou quizás incendios e un longo etcétera, é daquiles que levan ostentando o poder máis perto de cen anos que de cen días. E na mesma línea, habería que ser moi zocho para non darse conta de que os habitantes do Concello son copartícipes de esa responsabilidade, dado que inxe-nuamente esperan a que unha especie de superheroe eos gallumbos porriba, irrumpa en voo rasante para lles ripar as castañas do lume. Para proba, un botón: recentemente convocouse unha marcha para reivindicar o arranxo e novo trazado na estrada da Rabeda, os participantes contamos catro comerciantes asociados e entre quince e vinte mace-dans. Pareceume non ollar entre os manifestantes a ningún/a señor/a Estévez Lorenzo, a non ser que pertenza a esa tribu antediluviana que pensa, con todo dereito, que hai que rodear Maceda con foso e empalizada.

Por último, aclararlle o señor/a Estévez que quen asina é presidente electo dunha asociación de ámbito privado e escasísimo marxe de maniobra, con pouco ou ningún apoio, pero nunca, como di, un "señor governante". Dirixa por tanto os seus dardos o lugar axeitado e, por favor, non esconda a mau ó tirar a pedra.