Publicado en EnPontevedra.com el 13/1/06

Biblioteca de Santa María de Xeve,

Conferencia organizada pola Concellería de Cultura de Pontevedra e impartida polo historiador Francisco Carballo.

Contido da conferencia: O profesor Francisco Carballo titula o seu relatorio “Galiza ten historia”. Comeza dando resposta á seguinte cuestión: “Que entendemos por historia, que entendemos por Galiza?; para explicar a continuación o feito da “Aparición dos “galegos” na historia mundial: a cultura castrexa. A romanización e a cristianización”.
O historiador Francisco Carballo avanzará no seu relato ate “Mil anos despois: Galiza e a Monarquía dos Reis Católicos”. Deseguido tratará “A Galiza da Idade Moderna: subordinación, autarquía, na busca dunha saída en coordinación cos reinos da Monarquía española”. A conferencia rematará coa análise da “Galiza “muda”, máis expresiva na arquitectura: o Renacemento, o Barroco, o Neoclásico”. O profesor Carballo propón unha conferencia dinámica na que o coloquio cos asistentes xogue un papel principal.

Currículo do relator:
Francisco Carballo nace en 1925, en Celeirón de Asadur, Maceda. Realiza estudos de Teoloxía nos Paúles e de Historia na Universidade Complutense. Desempeña como profesor de Ensino Medio e Universitario en Salamanca e Vigo: Escola Universitaria de Maxisterio. É presidente da Asociación Cultural de Vigo entre 1978-1984; tamén cofundador de A Nosa Terra, 1977; de Encrucillada, 1977. Presidente de A Nosa Terra.
Como escritor publica Historia breve de Galiza, Historia Xeral de Galiza (en colaboración), Historia da Igrexa galega, A Igrexa galega na 2ª República (en colaboración). A Igrexa na Guerra Civil en Galiza (en colaboración,). Publica tamén as biografías de Sarmiento e de Alexandre. Bóveda. Carballo é xornalista habitual en A Nosa Terra.

Ver noticia original en EnPontevedra