O BNG escolleu o concelleiro nacionalista en Maceda, Xavier Oviedo, como substituto de Xosé Rodríguez Cid na Deputación de Ourense, tras a designación deste último como delegado provincial da Consellería do Medio Rural.

Desta forma, os nacionalistas cobren a praza de deputado provincial, tras esgotar as tres suplencias propostas para a deputación nas eleccións locais de 2003. Ademais de Oviedo, serán propostos como substitutos os concelleiros nacionalistas en Verzas e Ramirás; Ánxela Amorín e Xosé Manuel Méndez Galo.

Non obstante, para efectivizar estes nomeamentos é necesario que un terzo dos máis dos 70 concelleiros que o BNG ten en Ourense acudan á Audiencia Provincial o 25 de novembro. Ese día terá que ser sometida a votación a lista que terá que ser avalada, polo menos, por 25 concelleiros.

Ver noticia original en Galicia Hoxe