Publicado en "Cartas al Director" en el diario La Región el 20/10/2001

En data 10 de outubro do ano en curso, saiu publicado no xornal que vostede dirixe, un artigo titulado "El Machu Pichu no es nada ante la Vía Nova". Adxuntabase o mesmo, un mapiña da provincia de ourense nos que aparecían destacados en cor e cos respectivos nomes, os concellos atravesados po-la Vía XVIII. Quizais por concurso de man negra, erro ou omisión, o trazo ignora unha zona erma e anónima do mapiña, situada entre os concellos de Baños de Molgas e Montederramo, e que se corresponde con Concello de Maceda.

Hasta onde a min se me acada, a Vía Nova transcurre polos concellos mencionados no mapiña; deica que aproximadamente entre as millas 75 e 76 e no termo municipal de Baños de Molgas, sufre unha bifurcación na que e a vía principal que achega a Froufe e Vide, e unha vez superadoa a milla 79, entra no termo municipal de Maceda atravesando o regato da Breña, no camiño chamado Dos Porrazos, perto de Foncuberta. Continua a Cimadavila de Tioria, pasa perto de Couzada e Santiago Da Costa, deica toparse o nacente do monte Pedroxo con camiño da Xe, co que continua hasta Os Chaos do Alto Do Rodicio.

Na xa mencionada bifurcación, apartase outra vía que podemos chamar alternativa, que por Miamán e Xocín, achéganos o Monte Tiñoso, termo municipal de Molgas, da man do cal entra no de Maceda e por Pías, Barxela, Vilar de Cas e Xinzo da Costa, volve a empatar no xa mencionado Camiño da Xe.

Respecto do tema, pódese consultar autores ben coñecidos po-los macedáns como Eligio Rivas ou Segundo Alvarado, Juan Carlos Rivas e Tomás Vega. Da autoría dos tres últimos e o traballo "La Vía romana XVIII, revisión de su trazado y mensuración" e no seu apartado "de los Limici a los Gigurri", insertase un saudo do que con gran acerto, o presidente da Diputación de Ourense, lembranos a importancia que para todo-los povos tiveron e teñen as vía de comunicación, é por iso que remato ca espranza de que se subsanen erros i omisiós que sumen a Maceda no esquecemento e se lle poña freno as maus negras como a que, verbigracia, levantou no Parlamento de Galicia aquil macedán, para manifestarse en contra do arranxo de esa vía tan importante para nós, como é a carretera da Rabeda.